الأغانى ..* * * * *

نفسى الأغانى

تكون بسيطه

مش عبيطه

مش زعيق

وصويت وزيطه

نفسى تبقى كل غنوه

كلمه حلوه

تريّح الناس

م الهموم

أصلنا بنسمع أغانى

بعد مابنسمع نعانى

والمصيبه دا كل يوم

الكلمه زى

ما قالوا نور

تعلِى بروحك للسما

مش تحبسك

بين ألف سور .

...............................................

انتوا معايا ولا لأ ان العمليه بقت بظرميت بقى كله بيغنى اى حد ممكن يغنى اليومين دول اى حد معاه فلوس ممكن يغنى واى واحده صدرها كبير شويه ممكن تغنى مش عارف والله الناس دى بتعمل ايه.. الغنُى فعلا ً بقى فى الطراوه نادر جدا ًلما تلاقى واحد محترم وصوته حلو وسط العك اللى حاصل .. دا انا آخر حاجه اتفرجت عليها كانت للأخ تامر هسنى اللى فى الفيلم الجديد كابتن مش عارف ايه بيغنى لزينه بيقولها اكتر حاجه شدتنى ليكى هى دى - ويبص على ........ انتوا فاهمين طبعا ًبص على ايه مش لازم نفسر عشان المراهقين .

تامر حسنى اللى عامل هوس للبنات على ايه متعرفش والله ماهى غيره بس بجد شىء يدل على انحطاط فى المستوى على رأى بلدياتى احمد المسلمانى .

عموما ًاللى بيحب تامر ميزعلش دا مجرد رأى .