المدونه والجرنال

بإمتلاكك مدونه – من وجهة نظرى – فقد إمتلكت جرنال - واخبالك مش واخد بالك لأ واخبالك خطف على طول - لو قارنت بين الجرنال والمدونه مش هتلاقى إختلاف كبير .. دا حتى الجرايد بقت تتقرى على النت زيها زى المدونات .. هو بس اللى يفرق إن عدد اللى شغالين فى الجرنال كتير جدا ًفى حين إن المدونه إنت فيها رئيس مجلس الإداره ورئيس التحرير والمحرر والمصور كمان .. وعدد قراء مدونتك بيذيد – زى مبيعات أى جرنال ما بتذيد – كل ما كانت مواضيعك سهله ومهمه بالنسبه للى بيقراها إن كانت مواضيع عامه او شعر فصحى او شعر عاميه او نثر او خواطر - اللى ساكنه جنبنا – فبقدر ما كانت مواضيعك فى الجون كل ما كان عدد زوار مدونتك فى الطالع .
إلى هنا انتهى معكم لأنى داخل اعمل شاى بالنعناع .. ياسلام عليها كوبايه ..بقت إدمان عندى من ساعة مابطلت النيكوتين .. حد يشرب .
.............................................................