مصر احنا
ايوه احنا
هى فينا
واحنا منها ..
مصر ناس
وبيوت ولمه
مصر مش هى
الحكومه والهلومه
مصر احنا
وانجرحنا ما انجرحنا
هى روحنا..
مصر احنا
الصنايعى والمهندس
والمقاول والموظف
والدكاتره والمدرس
فلاحين وسط الغيطان
والعساكر فى الميدان
والتلامذه فى الامتحان
مصر انت
وابوك وعمك
مصر ناس شايلين
فى همك..
مصر ناسنا الطيبين
الحبايب والقرايب
والجيران ..
مصر بينا
مصر فينا
مصر مش بس المكان .
........................................
من خلال مرورى على المدونات لاحظت إن عدد كبير من المدونين بيهاجم مصروناس كتير منهم بيهاجم لمجرد الهجوم -مع العايمه يعنى -ممكن يبقى مرتاح ماديا ًومعندوش اى مشكله فى حياته بس عمل مدونه فقال هكتب ايه .. اكتب ايه ..اهاجم فى مصر وخلاص وفيه ناس مرتبط عندها المدونات بالسياسه والهجوم على مصر مين قال كدا .
ياجماعه مصر احنا ..هى مصر ايه غير ناس..هى الحكومه تبقى حكومه من غير ناس ..المبانى تنفع من غير ناس تسكنها .. النيل ينفع من غير ما يسقى اراضى للناس ..
الميادين والشوارع يبقى لها قيمه من غيرناس ..مصر كلها تبقى مصر ازاى من غيرنا ..يعنى احنا مصرومصر احنا .
ياريت كل واحد وكل واحده بيهاجموا مصر يراجعوا نفسهم شويه ويفكروا .. انا عارف ان الحكومه والنظام ولاد 60 فى 70 بس ليه نقول مصر ونعمم نهاجم بشكل موضوعى شويه نقول الحكومه كان مفروض تعمل كذا واحنا كان لازم نعمل كذا قول اللى ليك واللى عليك .
من هنا ادعوكم كلكم (إن وافقتم طبعا ً) لتكوين جروب فى حب مصرونسميه مثلا ً(مصر احنا او احنا مصر) ويبقى لنا شعارعباره عن صوره فيها نماذج من المجتمع ناس بتمثل كل الطبقات وفى خلفية الصوره برج القاهره وهرم ومركب .. دا تصور مبدئى ممكن نناقشه باستفاضه بعد كدا والموافق على الجروب هتبقى الصوره دى شعار عنده فى المدونه زى شعار مدونه نظيفه وكدا.
ويبقى اسمنا عملنا حاجه فى حب مصر .
بلادى وان جارت على عزيزة ........ واهلى وان ضنوا على كرام
منتظركم.......................... اخوكم هانى
20 التعليقات:
الوطن قال فيه سيد الخلق
حب الوطن من الايمان
الوطن ام تقسو احيانا ولكنها لا تستطيع ان تكره
وطنى انت مش بس روح فيا
انت انا وانا انت
مهما نروح ونيجى
انت حضنى وانت فرح وحزن ليا
مهما رافعوا سهام
وقالوا مافيش تنمية
لكن انا هافضل رافع
رايات الوطنيه
مش كلام غناوى
ولا جرايد ولا مسلسلات
بس لانك اساسا مزروع فيا
احييك على روحك مش اقول الوطنية ولكن اقول الطبيعة
رمضان كريم
جزاك الله كل خير
نحن ضد ان يصل قرشا واحدا من العرب الى اسرائيل حتى ولو سيصل العرب اضعاف اضعافه.. قاطعوهم بلا هواده واثبتوا عروبتنا
تابع حمله مقاطعه كوكاكولا
سر الاثيلين جليكول
انا معاك ان مصر احنا مش هما و هم كدة نجحوا انهم يقسموها اتنين و نبقى شعبين شوف الاول فين والتانى فين على راى الابنودى........ لازم نفكر نفسنا اننا بنحب بلدنا الا ننسى ونسيبها لهم........بس بردو لما حد يحب حد قوى لازم يحاول يصلح وينقد لكن مش نسكت و نجمل ومانقولش لا وغلط وللا ايييييه؟؟؟
عموما عجبتنى الكلمات جدا وانا معاك فى الفكرة
صحيح كلامك الناس بتربط مصر بالحكومة فقط
للعلم..مش عارفة
ولكنى سأحدد قريبا
تحياتى لك
عجبنى الكلام الى فى الاول جدا وبعدين لاخظت انك بتتكلم على الهجوم على مصر مفيش حد بيكره مصر لكن الظروف بتخليك تكون مجنون فى قرارك ولا ايه ؟
جميييييييييييييييييل جدا
عندك حق والله وفكرة الجروب هايله بس يارب نعمل حاجه
بس لما تلاقى الظروف اللى حواليك خانقاك بيبقى غصب عنك مش طايقها
بس بيبقى من ورا قلبك
وتلاحظ لو حد قال عنها حاجه مش عجبتك بتبقى هتاكله.. صح؟
كل سنة وانت طيب
الاول كل سنه وانت طيب
فعلا مصر هى احنا يعنى المشكله فينا احنا اللى سايبين ارضنا تتبهدل وتقع على دماغنا وسايبين المفسدين يعيثون فيها فسادا ان احنا مصر ده مش مبرر
رمضان كريم
أولا أحييك على هذه الروح الوطنية..
لا بد دائما من التمييز بين ظلم الحكومات الديكتاتورية وبين الوطن الدي هو نحن.. وحتى ان كانت من ضرورة للنقد الذاتي فيجب أن لا نلقي اللوم على الآخرين في شبه تبرئة تامة للذات..
لكن من وجهة نظر أخرى فهذا السخط ما هو إلا نوع من الغيرة على الوطن لدلك أعتقد أن الكثير من المدونين الساخطين على الأوضاع يصدرون من رؤية غيورة لا تحبد أن يكون هذا حالنا..
وهكدا جاءت تدوينتك عزيزي لتهدأ من روعهم وتجعلهم يشيرون بأصابع الاتهام الى الخونة المجرمين بدل الوطن..
مودتي
انا معاك يا هانى كلامك صح مليون فى المية
لازم نحب مصر بالرغم من كل الى بيحصل مصر ام الدنيا
وحتفضل وحتكون رغم انف الجميع
تسلم ايديك بجد
احنا مش بنهاجم مصر يا اخى احنا بنهاجم اللى جوا مصر
اللى مشوهين صورة مصر
مصر طول عمرها حبيبتنا
حزينه
الله الله
صقفة جامدة
اول مرة اتفق مع حد
عندك الف حق
مصر البلد بخير
بس عاوزة اقوللك لو ضميرها كمان بخير مش لازم تسكت على اللى بيحصللها
مصر واولادها طول عمرهم رجالة وثورجية ومش بيسيبوا حقهم مالهم بقا ؟؟
اتغيروا تايهين لو فاقوا بجد هيعملوا حاجة يرجعوا على الاقل حق البلد لو مش عارفين يرجعوا حقهم مش كده
مش البلد امانة فى ايديهم لو اتاخروا عنها يبقوا مش قد الامانة يا هانى
ولا ايه ؟؟
رمضاااان كريم
هنوووووووش
مش عارفة اسلم واللا اقول رأيي في الشعر
بص.. الاتنين مع بعض
**والله بلوجك وكلامك وحشني جدااااااا
عامل ايه كدة وايه اخبارك
يارب يكون رمضان تمام وحلو وزي الفل
معلش انا مش بدخل خالص بس رمضان كدة دايما بيطمع ابقى ليه لوحده وبس وانا بوافق ومش بعترض علشان هو بييجي في السنة مرة بقى وكدة
شد حيلك في رمضان بقى يا هاني
واشوفك على العيد بقى ان شاء الله
miro el niro kwanieo
بس الحقيقة يا هاني العزيز
إننا مصر الناس والشعب سمحنا لكل الأبسطة أن تنسحب من تحت أرجلنا
فهيمن على الأمر من لا يقدر مصر ودورها وحضارتها وأهميتها
فنحن نستحق فعلا
شعب ابن ... ولمؤاخذة صايمة
وإلا كان عرف يغير ويفكك المنظومة المحكمة من الفساد هذه .
السلام عليكم ورحمه الله وبركاته
احييك بجد على حبك لمصر
انا موافقك فى كل كلمه قولتها لو مصر وحشه فاحنا السبب لو فى تخلف وتاخر فبرده احنا السبب
ياما بالسلبيه واو ان كل مش بيعمل اللى عليه وكل اللى بيعمله انه ينتقد وبس
او اننا بنهرب ونسيبها زى كتير من علماءنا اللى هاجروا
فكرتك جميله وان شاء الله تلاقى مؤيدين كتير
مجتش ليه إفطارنا مع دكتور أحمد خالد يا كبير؟
عموما الصور على مدوني طنطا
ورمضان كريم
hi
كلامك فى نسبة من الصح بس معتقدش ان فى ناس عشان مش لايقة تكتب حاجة تقوم كاتبه عن مصر
طبعا شعر لا جدال فيه رائع وسهل
تقبل مرورى
سلام عليكم ورمضان كريم
رغم اختلاف الرؤى كلنا بنحب مصر
شكرا لكل اللى قال رأيه
ورمضان كريم
سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير
معك حق حتى ونحن نكرهها نحبها
إرسال تعليق